Na Mwandishi wetu, HPMedia, Dar es Salaam 

Jeshi la Polisi Kikosi cha Usalama Barabarani limezindua kampeni ya ukaguzi wa vyombo vyote vya moto nchini yakiwemo magari, bajaji na pikipiki ili kuhakiki usalama wa vyombo hivyo.

Akizindua kampeni hiyo mbele ya waandishi wa habari leo Jijini Dar es salaam, Mkuu wa Kikosi cha Usalama Barabarani Kamanda Ramadhani Ng’anzi amesema kampeni hiyo imeanza leo Februari 6 hadi machi 13/2023 ambapo kutakuwa na kilele cha wiki ya nenda kwa usalama barabarani.

Aidha amewataka Makamanda wa mikoa wa vikosi vya usalama barabarani nchi nzima kutenga maeneo maalum ya kufanya ukaguzi huo katika mikoa yao na kuhakikisha kila gari, pikipiki na bajaji zinakaguliwa.

Hata hivyo ameongeza kuwa baada ya ukaguzi huo kufanyika katika vyombo hivyo vya moto jeshi hilo litabandika stika maalum kwenye vyombo hivyo ambapo kwa gari za biashara watalipa shilingi 7000, gari za kawaida zisizo za biashara (binafsi) shilingi 5000 ambapo pikipiki na bajaji zitachangia shilingi 2000 kama gharama za stika hizo.

Amesema kuwa, endapo baada ya kumalizika kwa kipindi cha ukaguzi huo na kubainika kuwepo kwa vyombo vya usafiri ambavyo havina stika ya ukaguzi jeshi hilo litachukua hatua za kisheria dhidi ya wenye vyombo hivyo ikiwemo kukamatwa na kuondolewa barabarani.

Ameongeza kuwa,  kazi ya jeshi hilo ni kuhakikisha kuwa usalama wa raia na mali zao unalindwa ikiwa ni pamoja na kuwepo kwa vyombo vya moto vinavyozingatia ubora

Comments

Post a Comment

Popular posts from this blog

MALYA ACHUKUA FOMU YA UDIWANI VITI MAALUM

Image
Katibu wa Shina na mwanachama wa Jumuiya ya Wanawake wa CCM,( UWT) Kigezi chini Kata ya Buyuni, Happyness Malya amechukua fomu ya kuomba ridhaa ya kugombea Udiwani wa Viti Maalumu  Halmashauri ya Jiji la Dar es Salaam. Amekabidhiwa fomu hiyo leo June 30,2025 na Katibu Umoja wa Wanawake wa CCM (UWT) Wilaya ya Ilala Rosemary Mwakisalu Ofisini kwake Ilala
Read more

MAKAMO WA RAIS SMAUJATA ATIA NIA UBUNGE KIVULE

Image
Makamu wa RAIS wa Seneti ya Jumuiya (SMAUJATA) shujaa wa maendeleo wa ustawi wa Jamii Fredrick Nelson Rwegasira amechukua fomu ya kutia nia ya kugombea Ubunge Jimbo la Kivule.  Rwegasira amechukua fomu hiyo leo Julai 1,2025 katika Ofisi za Katibu wa CCM Ilala Chief Sylvester Yaredi.  Aidha amesema kwamba amejipima na kujitambua kua anafaa kugombea nafasi hiyo kwa ajili ya kuwaletea maendeleo wananchi wa Kivule.
Read more

MWINJUMA AUTAKA UBUNGE KIVULE

Image
Mwenyekiti wa Serikali ya mtaa Kipunguni Mwinjuma Abdul Seke amechukua fomu ya kuomba ridhaa ya kugombea Ubunge Jimbo la Kivule. Seke amekabidhiwa fomu hiyo leo June 30,2025 na Katibu wa Chama cha Mapinduzi CCM Wilaya ya Ilala Sylvester Yaredi. Aidha Seke amesema endapo atapata ridhaa ya kugombea katika Jimbo hilo atahakiksha anaunga mkono jitihada za Rais Dkt Samia Suluh Hassan za kuwaletea Maendeleo.
Read more