UWT KUNDUCHI WAFANYA USAFI SHULE YA MTONGANI NA MTAKUJA



Na Mwandishi wetu, HPMedia, Dar es Salaam 

UWT Kata ya Kunduchi wametembelea shule za Msingi Mtaa wa Mtongani, Shule ya Mtongani na shule ya Mtakuja kwa dhumuni la kufanya usafi katika vyoo vya wanafunzi sambamba na Kubaini changamoto mbalimbali zinazowakumba wanafunzi na Walimu katika shule hizo zenye wanafunzi wasio Pungua 1900 Kila moja.

Akizungumza na mtandao wa HPMedia,Mwenyekiti wa UWT (K) Kunduchi Twilumba Balama amesema hatua hiyo imekuja ikiwa ni kuelekea maadhimisho ya miaka 46 kuzaliwa Ccm yatafanyika katika viwanja vya mnazi mmoja feb 5, 2023 jijini Dar es Salaam sambamba na kukabidhi vifaa mbalimbali vya kufanya usafi kama vile brashi, Fagio za brashi, detol, sabuni za kufanyia usafi, sabuni za kunawa mikono, vikombe vya maji, madumu ya maji n.k

Aidha, amesema shughuli hiyo imefanywa kwa ushirikiano wa UWT Kata ya Kunduchi pamoja na matawi yake waliambatana na Bwana Afya wa Kata Mr Adam pamoja na Katibu wa CCM Kata ya Kunduchi Donatus Kechegwa.

Hata hivyo, amewataka viongozi wote wa matawi ya Kata ya Kunduchi kufanya ziara za kushtukiza kwenye shule za serikali ndani ya matawi yao kujionea na kujiridhisha na hali ya usafi wa vyoo vya wanafunzi sambamba na kutoa elimu ya usafi kwa watoto.

Sambamba na hayo uongozi wa shule zote mbili walishukuru ujio wa viongozi hao wa UWT pamoja na kuzungumza na kushauriana namna ya kutatua changamoto zinazowakabili shuleni hususani eneo la vyoo, ambapo kamati nzima ya utekelezaji wameahidi kuhakikisha wanapata suluhisho la kudumu kwa ajili ya usafi na Afya ya watoto katika shule hizo.

Pia waliwapongeza walimu wa shule ya Msingi ya Mtakuja kwa kuanzisha club ya Afya ambayo wanatengeneza bidhaa zao wenyewe yaani sabuni kwa ajili ya kuhakikisha mazingira ya vyoo na madarasa yanakuwa katika hali ya usafi.

Pamoja na ziara hiyo katika shule hizo mbili, Katibu wa CCM Kata ya Kunduchi alitoa maelekezo kwa Afisa afya kufuatilia shule zote ndani ya Kata ya kunduchi kwenye suala zima la usafi wa shule na hasa vyoo.




Comments

Post a Comment

Popular posts from this blog

MALYA ACHUKUA FOMU YA UDIWANI VITI MAALUM

Image
Katibu wa Shina na mwanachama wa Jumuiya ya Wanawake wa CCM,( UWT) Kigezi chini Kata ya Buyuni, Happyness Malya amechukua fomu ya kuomba ridhaa ya kugombea Udiwani wa Viti Maalumu  Halmashauri ya Jiji la Dar es Salaam. Amekabidhiwa fomu hiyo leo June 30,2025 na Katibu Umoja wa Wanawake wa CCM (UWT) Wilaya ya Ilala Rosemary Mwakisalu Ofisini kwake Ilala
Read more

MAKAMO WA RAIS SMAUJATA ATIA NIA UBUNGE KIVULE

Image
Makamu wa RAIS wa Seneti ya Jumuiya (SMAUJATA) shujaa wa maendeleo wa ustawi wa Jamii Fredrick Nelson Rwegasira amechukua fomu ya kutia nia ya kugombea Ubunge Jimbo la Kivule.  Rwegasira amechukua fomu hiyo leo Julai 1,2025 katika Ofisi za Katibu wa CCM Ilala Chief Sylvester Yaredi.  Aidha amesema kwamba amejipima na kujitambua kua anafaa kugombea nafasi hiyo kwa ajili ya kuwaletea maendeleo wananchi wa Kivule.
Read more

MWINJUMA AUTAKA UBUNGE KIVULE

Image
Mwenyekiti wa Serikali ya mtaa Kipunguni Mwinjuma Abdul Seke amechukua fomu ya kuomba ridhaa ya kugombea Ubunge Jimbo la Kivule. Seke amekabidhiwa fomu hiyo leo June 30,2025 na Katibu wa Chama cha Mapinduzi CCM Wilaya ya Ilala Sylvester Yaredi. Aidha Seke amesema endapo atapata ridhaa ya kugombea katika Jimbo hilo atahakiksha anaunga mkono jitihada za Rais Dkt Samia Suluh Hassan za kuwaletea Maendeleo.
Read more