DC MPOGOLO AKABIDHI VIFAA VYA KUPIMIA WATOTO UREFU NA BAJAJI HOSPITAL ZA ILALA

 

Na Mwandishi wetu, HabariPlus, Dar

Serikali imesema itaendelea kuboresha vituo vya afya na kujenga vituo vipya maeneo ambayo hayajafikiwa na huduma hizo kwa ukaribu ili kuhakikisha wananchi wanapata huduma bora za afya.

Kauli hiyo imetolewa na Mkuu wa Wilaya ya Ilala  Edward Mpogolo  katika hafla ya ugawaji bajaji 18  na vibao vya kupima Urefu watoto  walio chini ya umri wa miaka mitano lemgo ikiwa ni kuhakikisha wanapata takwimu sahihi katika utekelezaji na utoaji wa lishe bora.

"Vipimo hivi vitakwenda kusaidia kujua mtoto kuanzia anapozaliwa je yuko na uzito unaostahili ili aweze kusaidiwa kwenye eneo hilo, fedha zilizotengwa ni zaidi ya shilingi milioni 300 ambazo zinaenda kwenye afua za lishe na miongoni mwa fedha hizo milioni 22 zimekwenda  kununua vipimo hivi kwa ajili ya watoto" amesema Dc Mpogolo.

Amesema kuwa, Ilani ya Chama cha Mapinduzi (CCM) imeahidi kuboresha huduma za afya na moja ya maboresho ni eneo la ujenzi wa miundombinu ambapo Rais Dkt Samia ametenga zaidi ya Dolla bilioni 26 kuboresha miundombinu.

 Ameongeza kuwa, katika halmashauri ya jiji la Ilala na  ametoa  fedha kwa ajili ya ujenzi wa vituo vikubwa viwili vya afya  cha Mchikichini kinachogharimu kiasi cha fedha bilion 5 na kituo cha Mzinga mradi wenye thamani ya  bilioni 2.5 na na hadi sasa kuna  vituo vya afya zaidi ya 10 na vipo katika hatua za mwisho kukamilika .

Naye, Mganga Mkuu wa Halmashauri ya Jiji la Ilala Dkt Zaituni Hamza amesema bajaji hizo zilizotolewa zitakwenda kusaidia katika uboreshaji wa huduma za afya kwani zitasaidia kuwafikia walengwa kwa urahisi sana.

"Tunashukuru sana Serikali chini ya Rais Dkt Samia kwa kuweka kipaumbele katika sekta ya afya, kwani ugawaji wa vipimo hivi vitakwenda kutoa takwimu sahihi kwa watoto chini ya miaka mitano "amesema Dkt Zaitun.

Ameongeza kuwa, moja ya shughuli zao ni kutekeleza vipaumbele muhimu vya Rais Dkt Samia Suluhu Hassani kuhakikisha huduma za afya zinatolewa vizuri

"Tulitengewa fedha na katika fedha hizo hivyo  tumenunua  bajaji 18, ztakazotumika na watumishi ikiwemo 3kufutilia makuzi ya mtoto nyumba kwa nyumba ,3 chanjo,3 shughuli za kutokomeza Malaria Nchini ,3ustawi wa jamii '"amebainisha Dkt Zaituni.

Aidha watumishi wote waliokabidhiwa vifaa hivyo wameombwa kuvitunza vizuri na kuvitumia kwa mlengo uliokusudiwa.




Comments

Post a Comment

Popular posts from this blog

MAKAMO WA RAIS SMAUJATA ATIA NIA UBUNGE KIVULE

Image
Makamu wa RAIS wa Seneti ya Jumuiya (SMAUJATA) shujaa wa maendeleo wa ustawi wa Jamii Fredrick Nelson Rwegasira amechukua fomu ya kutia nia ya kugombea Ubunge Jimbo la Kivule.  Rwegasira amechukua fomu hiyo leo Julai 1,2025 katika Ofisi za Katibu wa CCM Ilala Chief Sylvester Yaredi.  Aidha amesema kwamba amejipima na kujitambua kua anafaa kugombea nafasi hiyo kwa ajili ya kuwaletea maendeleo wananchi wa Kivule.
Read more

MALYA ACHUKUA FOMU YA UDIWANI VITI MAALUM

Image
Katibu wa Shina na mwanachama wa Jumuiya ya Wanawake wa CCM,( UWT) Kigezi chini Kata ya Buyuni, Happyness Malya amechukua fomu ya kuomba ridhaa ya kugombea Udiwani wa Viti Maalumu  Halmashauri ya Jiji la Dar es Salaam. Amekabidhiwa fomu hiyo leo June 30,2025 na Katibu Umoja wa Wanawake wa CCM (UWT) Wilaya ya Ilala Rosemary Mwakisalu Ofisini kwake Ilala
Read more

WANANCHI WAHIMIZWA KUTEMBELEA MAONESHO YA MUHARRAM EXPO 2025

Image
Na Mwandishi wetu Wananchi wametakiwa kujitokeza kwa wingi kutembelea mabanda ya maonesho ya pili ya huduma za kifedhanq kijamii 'Muharram Expo 2025' yanayoendelea katika Viwanja vya Mnazi Mmoja jijini Dar es Salaam. Akizungumza na wanahabari jijini Dar es Salaam Kiongozi Mwandamizi wa Taasisi za Kiislamu Tanzania, Sheikh Mohamed Issa, amesema  maonesho hayo ni ishara   ya kuingia mwaka mpya wa Kiislamu ambao ni Muharram sawa na mwezi wa kwanza wa kiislamu Hijiria. Amesema kuwa, katika maonesho hayo kutakua na mada mbalimbali ambazo zitatolewa kwa wananchi na wataweza kupata elimu kuhusu uwekezaji ambao hauna riba na watapata elimu namna ya kuweka akiba, kupata mikopo au uwezeshwaji usio na riba. Pia amesema wananchi watapewa elimu kuhusu huduma za Masoko ya mitaji na dhamana na uwekezaji wa pamoja (Collective Investment Schemes) isiyo na riba kama vile mifuko ya Uwekezaji Halal au Halal Fund, hati fungani zisizo na riba inayofahamika kama Sukuk. Aidha, katika Maonyesho h...
Read more