Skip to main content

TMA YATOA MWELEKEO WA MVUA ZA VULI OKTOBA–DESEMBA 2026, EL NIÑO YATAJWA KUCHANGIA MVUA KUBWA




Mamlaka ya Hali ya Hewa Tanzania (TMA) imesema mvua za msimu wa Vuli za Oktoba hadi Desemba 2026 zinatarajiwa kuwa za wastani hadi juu ya wastani katika maeneo mbalimbali nchini, huku uwepo wa hali ya El Niño ukitajwa kuwa miongoni mwa sababu zinazoweza kuchangia vipindi vya mvua kubwa katika baadhi ya maeneo.

Akizungumza na wanahabari jijini Dar es Salaam wakati akitoa mwelekeo wa mvua hizo, Mkurugenzi Mkuu wa TMA, Dkt. Ladislaus Chang’a, amesema mvua hizo zinatarajiwa kuanza katika wiki ya kwanza na ya pili ya Oktoba katika baadhi ya maeneo.

Amesema katika mikoa ya Arusha na Manyara, mvua zinatarajiwa kuwa za wastani hadi juu ya wastani, huku hali kama hiyo ikitarajiwa pia katika ukanda wa Kaskazini unaojumuisha Tanga, Dar es Salaam, kaskazini mwa Morogoro pamoja na visiwa vya Mafia na Pemba.

TMA imesema uwepo wa El Niño unaweza kuchangia kuongezeka kwa vipindi vya mvua kubwa, hali ambayo inaweza kusababisha mafuriko na athari katika miundombinu, kilimo, usafiri na shughuli nyingine za kijamii na kiuchumi.

El Niño ni hali ya mabadiliko ya mfumo wa joto la bahari katika eneo la Pasifiki ya ikweta, ambayo huathiri mifumo ya hewa duniani na inaweza kusababisha mabadiliko ya mvua na joto katika maeneo mbalimbali. Kwa Tanzania, hali hiyo inaweza kuhusishwa na ongezeko la mvua katika baadhi ya maeneo, ingawa athari zake hutofautiana kulingana na eneo na kipindi.

Kutokana na hali hiyo, TMA imewataka wananchi kufuatilia taarifa rasmi za hali ya hewa na kuchukua tahadhari mapema, hasa katika maeneo yanayoweza kukumbwa na mvua kubwa na mafuriko.

TMA pia imesema hali hiyo inaweza kuchangia kuanza mapema kwa mvua za msimu wa Novemba hadi Aprili katika baadhi ya maeneo yanayopata msimu huo.

Katika sekta ya kilimo, TMA imesema kuongezeka kwa unyevunyevu wa udongo na uwezekano wa mafuriko kunaweza kuathiri ukuaji wa mazao na shughuli za kilimo, huku mazingira yenye unyevunyevu yakitarajiwa pia kuchochea kuibuka kwa baadhi ya magonjwa ya mimea.

Wakulima wametakiwa kuandaa mashamba, kupanda na kupalilia kwa wakati, kutumia pembejeo zinazofaa na kuzingatia ushauri wa wataalamu.

Kwa wafugaji, TMA imeshauri kuandaa malisho na kuhifadhi maji ya kutosha kwa matumizi ya mifugo, huku wakitakiwa kufuatilia taarifa za hali ya hewa na kupata ushauri kutoka kwa maafisa mifugo.

Wavuvi na wakulima wa mwani nao wametakiwa kufuatilia taarifa za hali ya hewa na hali ya bahari kabla ya kufanya shughuli zao.

TMA imeonya kuwa mvua kubwa zinazoweza kuambatana na vipindi vya El Niño zinaweza pia kuathiri barabara, madaraja na miundombinu mingine ya usafiri kutokana na mafuriko na mmomonyoko wa udongo.

Mamlaka za serikali za mitaa zimetakiwa kujiandaa kwa kuboresha mifumo ya mifereji ya maji, kuondoa vizuizi kwenye njia za maji na kutoa elimu kwa wananchi kuhusu tahadhari za kuchukua wakati wa mvua kubwa.

Katika sekta ya afya, TMA imeonya kuhusu uwezekano wa kuongezeka kwa magonjwa kutokana na maji kutuama, kuathirika kwa mifumo ya maji taka na changamoto katika usafi wa mazingira.

Aidha, TMA imevitaka vyombo vya habari kuendelea kutumia taarifa rasmi za hali ya hewa katika kuhabarisha na kuelimisha jamii kuhusu mabadiliko ya hali ya hewa na tahadhari zinazopaswa kuchukuliwa.

Mamlaka hiyo imesema imeendelea kujenga uwezo wa kutoa utabiri wa hali ya hewa hadi ngazi ya wilaya, hatua inayolenga kuwawezesha wananchi, wakulima, wafugaji, wafanyabiashara na serikali za mitaa kupanga shughuli zao kwa kuzingatia taarifa za hali ya hewa.

TMA imewataka wananchi kuendelea kufuatilia taarifa za kila siku, angalizo na tahadhari zitakazotolewa, ikisisitiza kuwa kuchukua hatua mapema ni muhimu katika kupunguza madhara yanayoweza kusababishwa na mvua kubwa.

Comments

Post a Comment

Popular posts from this blog

MWAKIPOSA MWENYEKITI MPYA WA WENYEVITI WA SERIKALI ZA MITAA DAR

Mwenyekiti wa Serikali ya mtaa wa Boko Wilaya ya Kinondoni, Razalous Mwakiposa ameibuka mshindi wa nafasi ya Mwenyekiti wa wenyeviti wa Serikali za mitaa mkoa wa Dar es Salaam kwa kupata kura 24 kati ya 37 zilizopigwa na wajumbe mapema leo hii. Uchaguzi huo umemalizika leo June 20, 2026ambapo  ulikua unahusisha nafasi ya Mwenyekiti na Katibu Mkuu, ambapo Mwenyekiti ameshinda Razalous Mwakiposa huku Katibu Mkuu akiwa ni Peppino Sudi Peppino . Akizungumza wakati wa kutangaza matokeo ya uchaguzi huo, msimamizi wa uchaguzi, Kambi Sinde, amesema kuwa Razalous Mwakiposa ameshinda kwa kupata kura 24 kati ya kura 37 zilizopigwa, huku Katibu Mkuu akishinda kwa kura 20 kati ya kura 37 zilizopigwa. "Uchaguzi umefanyika kwa uwazi na haki, kulikuwa na jumla ya wajumbe 40, lakini watatu walipata udhuru, hivyo, leo waliopiga kura ni wajumbe 37 na matokeo ni kwamba mshindi wa nafasi ya Mwenyekiti amepata kura 24 kati ya kura 37 zilizopigwa, huku Katibu Mkuu akipata kura 20 kati ya kura 37 zilizop...
Post a Comment
Read more

TIRDO YAVUNJA VIKWAZO VYA UBUNIFU, AFRO HEAL YAGEUZA MIMEA YA ASILI KUWA DAWA ZA KISASA

Na Ayra News.  Mashauri Enock Shushu, kutoka Afro heal Group Limited, amesema malezi ya ubunifu kupitia shirika la Utafiti na Maendeleo ya Viwanda Tanzania (TIRDO) yameiwezeshaa kampuni hiyo kubadili dawa za asili zilizokuwa zikitengenezwa kwa kutumia magome ya miti na kuzigeuza kuwa bidhaa za kisasa zinazokidhi viwango vya ubora na mahitaji utengenezaji soko. Akizungumza katika Maonesho ya Nanenane 2026, Shushu alisema Afro healGroup Limited ni kampuni inayojihusisha na utafiti na utengenezaji wa dawa za binadamu zinazotokana na mimea ya asili, huku TIRDO ikiwa imekuwa nguzo muhimu katika kukuza uwezo wao wa ubunifu na uzalishaji. Alisema kabla ya kujiunga na TIRDO, kampuni hiyo ilikuwa ikitengeneza dawa za asili katika mfumo wa magome, lakini baada ya kupata malezi ya biashara, ushauri wa kitaalamu na uwekezaji wa rasilimali watu kupitia taasisi hiyo, imefanikiwa kuziboresha na kuzalisha bidhaa za kisasa zinazorahisisha matumizi kwa wananchi. Shushu alisema ushirikiano kati ya wa...
Post a Comment
Read more

VETA KAGERA WABUNI MTEGO KISASA WA KUVUNA SENENE

Ayra Nwestz  Chuo cha Veta mkoa wa Kagera VTC kimebuni mtambo wa kisasa wa kuvuna senene ambao unamuwezesha mvunaji kunapata senene wengi kwa wakati mmoja ambao wanakua salama. Akizungumza na Mtandao wa Matukio Daima, katika maonyesho ya 47 ya biashara ya kimataifa, Mwalimu wa Kagera VTC, Elias Lucas Mayala, amesema chuo hicho kimebuni mtego huo una lengo la kupunguza uharibifu wa mazingira unaotokana na mbinu za jadi za uvunaji. Mayala amesema kuwa mtanbo huo una uwezo wa kubeba kati ya kilo 80 hadi 100 za senene kwa wakati mmoja wakati wa uvunaji.  Aidha, amesema mtego huo una mfumo wa kuchuja senene wanapoingia na kuwatenganisha wadudu wadogo wadogo, ambao wanaweza kutumika kama chakula cha kuku badala ya kutupwa. Ameeleza kuwa tofauti na mbinu za zamani zinazoweza kuharibu miti na mazalia ya senene, mtego huo ni rafiki wa mazingira na umeundwa kwa namna inayorahisisha matumizi yake, ikiwa ni pamoja na uwezo wa kusogezwa kutoka eneo moja kwenda jingine kulingana na mahitaji...
Post a Comment
Read more